திடீர் நகரில் டெக்ஸ்..!

வணக்கங்கள் நண்பர்களே..!

கொஞ்சம் சிக்கலான கிராபிக்ஸ் நாவல்களை மட்டுமே அலசி, பதிவிட்டுக்கொண்டிருக்கும் என்னை...அருமை நண்பர் இத்தாலி விஜய் அவர்கள் " 'தல' டெக்ஸ் வில்லர் பற்றி ஒரு அசத்தலான பதிவு ஒன்றை

போடுங்களேன்..! அது உங்கள் எல்லா பதிவையும் விட சும்மா சூப்பரா இருக்கணும்.." என விருப்பம் தெரிவித்தார்..! டெக்ஸ் வில்லர் பற்றி எழுத ஒரு டைகர் ரசிகரான என்னிடம்  விருப்பம் தெரிவிக்கும் போது...டைகர் ரசிகன் யார் என காட்டவேண்டிய கூடுதல் பொறுப்பு சுவையானது..!(கண் சிமிட்டும் படங்கள் நான்கு)

ஏற்கனவே டெக்ஸின் வந்தவைகள் பற்றிய அலசல்கள் பதிவிடும் எண்ணம் இருந்தாலும்கூட, புதிய இதழுக்காக இந்த வருடத்தின் துவக்கத்தில் இருந்து கிட்டத்தட்ட  185 நாட்கள் காத்திருக்கும்படி ஆகிவிட்டது..! காத்திருப்புக்கு ஏற்பப கிடைத்த பரிசு ரொம்பவே கனமானவை..! பாச தலீவர் தாரமங்கலம் பரணிதரன் & மாயாவி.சிவாவின் (நான்தாங்க..ஹீ.ஹீ) தலைப்பை தங்கிய பொக்கிஷம் என்பதுமட்டுமல்லாது, கொரியர் சேஸில் முதல் ஆளாக வாங்கி பார்த்தவன் என்ற கூடுதல் பெருமிதம் மனதில் பொக்கிஷத்தை சிறப்பு பார்வையுடன் பார்க்கவைத்து..!

இந்த பொக்கிஷத்தில் முதல் முத்திரையாக உள்ள 'திடீர் நகரில் டெக்ஸ்' (ஒக்லஹோமா) கதை பற்றிய யார் என்னவெல்லாம் எழுதியிருக்கிறார்கள் என வலைப்பதிவுகளில் தேடியபோது... பிரான்ஸ்சில் உள்ள காமிக்ஸ் நண்பர் 'கனவுகளின் காதலன்' என்கிற   'சங்கர் விஸ்வலிங்கம்' மூன்று வருடங்களுக்கு முன்பே பக்கம் பக்கமாக அட்டகாசமாக எழுதி தள்ளியிருக்கிறார்..! அந்த பதிவை பார்க்க செம்மனிதர் நிலம் இதை கிளிக் செய்யுங்கள்..!

'நாம என்னத்த புதுசா எழுதறது...' என முதல் சுற்றில் முதல் கதையான 'ஒக்லஹோமா'வை படித்தேன்..! உண்மை சம்பவத்தை பின்னணியாக கொடுள்ளதால், அந்த சம்பவத்தின் விவரங்களை லேசாக தெரிந்து கொண்டு படித்தேன்..!

அப்படி தெரிந்து கொண்ட தலைசுற்றும் ஆச்சரியமான தகவல்கள் கீழே..!

அதற்கு முன்பு இந்த கதை, இத்தாலியில் காமிக்ஸாக வந்த சிறப்புபற்றிய சின்னகுறிப்புகள்..

பெரிய கேக்கை அழகாக வெட்டி பிரிப்பது போலவே

'ஒக்லஹோமா' வரைபடம் BOX-1, BOX-2 என முதலில்

பிரிக்கப்பட்டு,பின் அந்த BOX சின்ன சின்ன பகுதியாக

பிரிக்கப்பட்டுள்ளதை அப்போதை வரைபடத்தில் பார்க்கலாம்..!

செவ்விந்தியர்களின் நிலப்பரபான 'ஒக்லஹோமா'... நீண்டகால இனப்பிரச்சனைக்கு பின் உடன்பாடிக்கை ஏற்பட்டதன் அடையாளமாக 'ஒக்லஹோமா' நகரின் கொடியில் செவ்விந்தியர்கள் சின்னங்கள் அடையாளமாக இடம் பெற்றிருப்பதை கீழ்வரும் படங்களில் பார்க்கலாம்..!

இந்த படத்தில் இருந்து சில காட்சிகள்...

முதல் சுற்றில் வழக்கமான பாணியில் கதைகளம், வரலாறு, காமிக்ஸ், சினிமா என வேண்டிய மட்டும் சொல்லிவிட்டேன்..! 330 பக்ககதையை எப்படி விமர்சிக்காமல் இருப்பது..? அதை வித்தியாசமாக வேறு செய்யவேண்டும்..?

இரண்டாவது சுற்று படிக்க முற்றிலும் புதிய மனநிலையோடு, திடீர் நகரில் டெக்ஸ்' (நன்றி: இத்தாலி விஜய்) என்ற புதிய தலைப்போடு டெக்ஸ் வில்லரின் தீவிர ரசிகனாகவே மாறி கதைக்குள் பயணித்தேன்..! என் முன் விரிந்த அந்த பிரமாண்டமான காட்சிகள் இப்போது உங்கள் பார்வைக்கு...

இப்போது எனக்கு இது காமிக்ஸாக தோன்றவில்லை..மாறாக பிரமாண்டமான திரைபடமாக தோன்றியது..! இந்த பிரமாண்டமான படைப்பை பார்க்க ஜூலை 4-ம் தேதி காலை திரை அரங்கில் நுழைந்தேன்..! அந்த திரையரங்கம் அமெரிக்காவில் உள்ள  Vitascope Hall.

     இந்த தியேட்டர் 1896-ம் வருடம் ஜூலை 26-ம் தேதி திறக்கப்பட்டது. இது தான் உலகில் முதல் சினிமா தியேட்டர். அதன் உள் இருக்கைகள் மொத்தம் 400. வரிசையில் முதல் ஆளாக முதல் டிக்கெட் வாங்கிகொண்டு உள்ளே நுழைந்தேன்....

எல்லா இருக்கையிலும் தெரிந்த முகங்கள், காமிக்ஸ் நண்பர்கள்...

வெடி சிரிப்புகள், அதிரும் இடி சிரிப்புகள், குபீர் சிரிப்புகள், விசில்கள், கைகுலுக்கல்கள், கட்டி தழுவல்கள், காகித ராக்கெட்டுகள் என அரங்கமே விழாக்கோலம் தான்...!

wild wild west க்கே உரிய இசையுடன் அரிசோனாவில் பயணித்தது கேமரா...
திரையில் 'தல' டைடில் போட்டதுதான் மிச்சம்...அரங்கமே வெடிக்கும் படியான சத்தங்கள் சிவகாசி பட்டாசாய் வெடித்தது..!



படம் துவங்கிய உடனே காமிக்ஸ் நண்பர்களின் கமெண்டுகள் அருவியாய் கொட்ட ஆரம்பித்தன...படம் ஓடஓட ரசிகர்கள் சொல்லும் கமெண்டை விட சிறந்த விமர்சனமில்லை என படைப்பாளிகள் சொல்ல கேட்டிருக்கிறேன்..! திரையரங்கில் என் காதில் விழுந்த சில கமெண்டுகள்....

ஒவ்வொரு காட்சியும் கிளைமாக்ஸ் போலவே விறுவிறுப்பான...ரசிக்கும்படியான சரியான கலவையில் எழுத்தப்பட்ட திரைக்கதை என்பதில் சந்தேகமேயில்லை..! கொடுத்த காசு இடைவேளைவரைக்கே சரியாபோச்சி என 'தல' ரசிகர்களின் ஒருமித்த கமெண்டுகள் ஒலித்தபோது...திரையில்...புரெடியூஸர்...

நண்பர்களே...மீதி படத்தை எப்படி பார்த்திருப்பேன் என நீங்களும் பார்த்து
(மறுமுறை படிக்க ஆரம்பித்து) உணரலாமே..! அப்புறம் ஒரு சின்ன விண்ணப்பம்...
மிகவும் மெனக்கெட்டு செய்த இந்த வித்தியாசமான முயற்சி போலவே பல
'தல' பற்றி பதிவுகளை தொடரலாம்...ஆனால் எனக்கும் இங்கு பெட்ரோல்
தேவைப்படுகிறது..! உங்கள் வருகையின் அடையாளமாக...ஒரேயொரு
ஒற்றை சொல்பதித்தால் கூட போதும்...! இந்த காமிக்ஸ் காதலனின்
காலயந்திரம், பல ரசனையான பயணத்திற்கு உங்களை அழைத்துச்செல்ல
தயாராகிவிடும்..!


நட்புடன்,
மாயாவி.சிவா